Россия президенти Владимир Путиннинг Федерал кенгашга йўллайдиган мурожаати жорий йилда Москванинг энг йирик медиафасадларида намойиш этилади, деб хабар берди «РБК».
Президент нутқи «Космос» меҳмонхонаси, Янги Арбатдаги уйларнинг бири, Марказий телеграф, Китоблар уйи, «Октябрь» кинотеатри ва «Ереван-плаза» савдо марказининг фасадларида тўғридан тўғри трансляция қилинади.
Президент мурожаатини тарғиб қилиш кампанияси Умумроссия халқ фронти томонидан ташкиллаштирилган. Умумроссия халқ фронтининг таъкидлашича, Москвада трансляция учун пул тўланмаган — у ижтимоий реклама сифатида ҳисобга олинади.
Путиннинг Федерал кенгашга мурожаати 15 январь куни Москва вақти билан соат 12:00 да бошланади.
Изоҳ (0)