13 январь куни ўтказилган Ёшлар пресс клуби сессиясида Халқ таълими вазири Шерзод Шерматов ҳамон мактабларда кузатилаётган ҳолат – «йиғди-йиғди» масаласи борасида шахсий фикр-мулоҳазаларини билдириб ўтди. Бу ҳақда «Дарё» мухбири Миролим Исажонов хабар берди.
‘Йиғди-йиғди’ларнинг сабаблари кўп. Масалан, бир, иккита баҳона бўлиши керак. Биринчи баҳона аксарият мактабларнинг моддий-техник базаси яхши эмаслигида. Кейин текширувчи кам бўлиши зарур. Биз бу тизимга ишга келганимизга қадар 120 мингдан ортиқ текширув ўтказилгани ойдинлашди. Ҳар бир текширув ҳам ‘йиғди-йиғди’нинг бир сабабида. Текширувчига чой беради, бошқа қилади. Шунинг учун билим даргоҳларининг моддий-техник базасини яхшилаш, текширувни камайтириш ва ўқитувчининг ойлигини ошириш бўйича яхши ишлаш керак.Ҳақиқий гап, ўқитувчининг ойлиги, айниқса, Тошкент шаҳрида жуда паст. Биз маҳаллий бюджет ҳисобидан Тошкент шаҳри ўқитувчилари ойлигини оширайлик, десак буни дарров ҳурматли ОАВ вакиллари муҳокама қилишди. Бутун дунёда бор тажриба бу: пойтахтда нарх-наво қимматроқлиги учун ойлик миқдори юқори бўлади.
Яна бир нарсани инобатга олиш лозим: ўқитувчи ҳам мажбуран шуни қилгин, демайди. Ота-оналарнинг ўзлари келишиб, ўртада пул йиғишади. Қўштирноқ ичидаги ташаббускор ота-оналаримиз ҳам жуда кўп. Ҳамма ўзаро келишиб, ортиқча қийинчилик туғдирмай, шароит яратиб ёрдамлашса яхши бўларди. Агар кимдир ‘йиғди-йиғди’ларга мажбурланаётган бўлса, ҳуқуқни муҳофаза қилувчи органларга мурожаат эцин. Менимча, ҳозир ҳеч ким мажбурланадиган даражада эмас. Савоб учун ҳам мактабларга фойда келтираётганлар бор. Ўтган йили 12 тадан зиёд мактабларимиз ҳомийлар томонидан қурилиб, таъмирланди. Бу мен эшитганларим, санасак бундан-да кўп.
Шерзод Шерматов, Халқ таълими вазири
Изоҳ (0)