Канада бош вазири Жастин Трюдо АҚШ ўз иттифоқдошлари билан маслаҳатлашмасдан қарор қабул қилаётганини билдирди, дея хабар беради «Коммерсантъ».
Трюдонинг фикрича, агарда Эрон ва АҚШ ўртасидаги муносабат бу қадар кескинлашмаганда, Теҳронда фалокатга учраган Украинанинг Boeing самолёти ичидаги 57 нафар канадалик тирик бўларди.
«АҚШ ўз қарорларини қабул қилмоқда. Биз халқаро ҳамжамият сифатида йирик муаммолар билан ишлашга ҳаракат қиляпмиз. Бироқ айрим ҳолларда давлат ўз иттифоқдошларини огоҳлантирмасдан ҳаракат қилмоқда», — дейди бош вазир.
Трюдонинг қўшимча қилишича, у АҚШ президенти Дональд Трамп билан авиафалокат борасида гаплашган. «Мен канадаликлар бошдан кечираётган жуда катта қайғу ва йўқотишлар ҳақида гапирдим, шунингдек, бу қандай содир бўлганлиги, яна такрорланишининг олдини олиш учун нима қилишимиз кераклиги ҳақида аниқ жавоблар талаб қилдим», — дейди Канада бош вазири.
Мавзуга доир:
Изоҳ (0)