Vatan himoyachilari kuni bayrami munosabati bilan Shimoli-g‘arbiy harbiy okrugining qo‘mondon kubogi musobaqasi o‘tkazildi. Bu haqda okrug matbuot xizmati xabar berdi.
2019-yildan buyon o‘tkazib kelinayotgan ushbu turnirda yoshlar to‘siqlar yo‘lagini yengish, granatani uzoqqa uloqtirish, nishonlarga pnevmatik quroldan o‘q otish va yana boshqa jismoniy sinovlardan o‘tdi.
Oktabrda boshlangan musobaqada Qoraqalpog‘iston poytaxti Nukus shahridagi 10 ta maktab va Xorazm viloyatining Urganch shahridagi 10 ta maktab o‘quvchilari ishtirok etgan.
Final bahsida Nukusda va Urganchda eng yuqori natijaga erishgan 5 tadan maktab qatnashdi. Yakuniya natijalarga ko‘ra Urganch shahridagi 28-maktab vakilllari g‘olib bo‘ldi, Nuksdagi 19 va 36-son maktab o‘quvchilari esa mos ravishda ikkinchi hamda uchinchi o‘rinlarni egalladi. Shuningdek musobaqa yakuniga yetgach, ishtirokchilar I.V.Savitskiy nomidagi Qoraqalpog‘iston Respublikasi davlat san’at muzeyiga ekskursiya tashkil qilingan.
Izoh (0)