Нидерландлар пойтахти Амстердамдаги цирк шоуси чоғида 10 метрли баландликдан қулаган ўзбекистонлик акробатлар Кристина Воробьева ва Рустам Османов Amsterdam Medical Center тиббиёт марказида бўлиб турибди. Бу ҳақда Ўзбекистоннинг Бенилюкс давлатларидаги элчихонаси маълум қилди.
Кристина Воробьева икки операцияни бошдан кечирди ва ҳозирда учинчи жарроҳлик аралашуви масаласи кўриб чиқилмоқда.
Унинг турмуш ўртоғи Рустам Османов соғлиги ҳолати барқарор бўлиб турибди.
Мавзуга Амстердамдаги намойишда 10 метр баландликдан йиқилган ўзбекистонлик гимнастикачи ўз аҳволи ҳақида маълумот берди
Аввалроқ Маданият вазирлиги эса Амстердамда йиқилган ўзбекистонлик акробатларнинг аҳволи оғир эмаслигини билдирганди. Ўзбекистон ТИВ эса вазият Бенилюкс давлатларидаги элчихона назоратига олингани ва зарур ёрдамни кўрсатиш учун консуллик бўлими ходими Амстердам шаҳрига жўнаб кетганини маълум қилган.
Эслатиб ўтамиз, бахтсиз ҳодиса 3 январь куни Нидерландия пойтахтидаги «Карре Амстердам» театрида ташкил этилган томоша вақтида юз берган. Рустем Османов Кристина Воробьевани бир қўли билан ушлаб, иккинчисини бўшаштирганда улар биргаликда 10 метр баландликдан йиқилган.
Изоҳ (0)