«Барселона» ҳужумчиси Луис Суарес Испания Суперкубоги доирасида «Атлетико»га қарши баҳсда ўнг тиззасидан олган жароҳати сабаб жарроҳлик амалиётини бошдан ўтказди.
Клуб матбуот хизмати хабарига кўра, футболчи 11 январь, шанба куни чуқурлаштирилган тиббий кўрикдан ўтган ва бугун операция қилинган. Амалиёт муваффақиятли кечган.
Таъкидланишича, Суарес камида 4 ой футбол ўйнай олмайди.
Қайд этиш жоиз, ҳужумчи ўтган мавсум сўнгида «Ливерпуль»га қарши баҳсда олган жароҳати сабаб тиззасидан операция қилинган эди.
Маълумот учун, уругвайлик жорий мавсум барча мусобақалар доирасида 23 та ўйин ўтказиб, 14 та гол урди.
Изоҳ (0)