«Тоттенҳэм»нинг даниялик ярим ҳимоячиси Кристиан Эриксен «Интер» клуби билан келишувга эришди, деб хабар беради La Gazetta dello Sport.
Томонлар 2024 йилга қадар шартнома борасида келишиб олган. Энди «Интер» «шпорлар» билан трансфер шартлари борасида музокара олиб боради.
Инглизлар 27 ёшли Эриксен учун 20 миллион еврога эга бўлишни хоҳламоқда. «Интер» эса 2020 йил ёзида Лондон клуби билан шартномаси якунланиб, эркин агентга айланадиган футболчи учун январда 20 миллион евро тўлаш ниятида эмас.
Эриксен жорий мавсум Англия Премьер Лигаси доирасида 18 та ўйин ўтказиб, 2 та гол урди ва 2 та голли узатмани амалга оширди.
Изоҳ (0)