Футбол бўйича Англия чемпионатининг 22-турида «Тоттенҳэм» ўз майдонида «Ливерпуль» билан баҳс юритди.
Лондонда бўлиб ўтган учрашувда Юрген Клопп шогирдлари минимал ҳисобдаги ғалабани қўлга киритди. Учрашувнинг 37-дақиқасида Роберто Фирмино «қизиллар»нинг комбинациясини голга айлантирди. Танаффусга қадар ҳар икки жамоада ҳам бир нечта қулай имкониятлар юзага келди, бироқ ҳисоб ўзгармади.
Иккинчи бўлим якунига бориб «шпорлар» рақиб жарима майдони атрофида босимни кучайтирди. Аммо Жозе Моринё шогирдлари Алиссон дарвозасига йўл топа олмади ва навбатдаги мағлубиятни қабул қилиб олди.
Шу тариқа «Ливерпуль» очколарини 61 тага етказиб олган ҳолда пешқадамликни давом эттирмоқда ҳамда энг яқин таъқибчисини 16 очкога ортда қолдирмоқда. «Тоттенҳэм» эса 30 очко билан ҳозирча 8-поғонада қолди.
АПЛ
22-тур баҳси
11 январь, шанба
«Тоттенҳэм» — «Ливерпуль» 0:1
Гол: 0:1 – 37 Фирмино.«Тоттенҳэм»: Гассанига, Орье, Алдервейрелд, Танганга, Санчес, Роуз (Ламела, 69), Алли, Эриксен (Ло Чельсо, 69), Лукас Моура, Уинкс, Сон Ҳён Мин.
«Ливерпуль»: Алиссон, Робертсон, Александер-Арнольд, Гомес, ван Дейк, Вейналдум, Окслейд-Чемберлен (Лаллана, 61), Ҳендерсон, Мане (Ориги, 81), Салоҳ (Шакири, 90), Фирмино.
Огоҳлантиришлар: Гомес (23), Окслейд-Чемберлен (39).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)