Таиландда бўлиб ўтаётган U23 Осиё чемпионатининг 9 январь, пайшанба кунги ўйинлари ўз якунига етди.
Ўзбекистон олимпиячилари билан бир гуруҳдан ўрин олган Жанубий Корея ва Хитой терма жамоалари ўзаро баҳсга киришди. Учрашув тенг курашлар остида ўтди ва жанубий кореяликлар иккинчи бўлимга қўшиб берилган вақтда дарвозани ишғол қилиб, ғалабани илиб кетди.
Шу тариқа ушбу ғалабадан кейин Жанубий Корея C гуруҳи пешқадамига айланди. Унинг ортидан Ўзбекистон ва Эрон жамоалари бормоқда. Ўзбекистон олимпиячилари кейинги ўйинни 12 январь куни Жанубий Кореяга қарши ўтказади.
Шунингдек, B гуруҳида ҳам 1-тур учрашувлари бўлиб ўтди. Қатар олимпия терма жамоаси Сурия билан ўйнади. Учрашувда жанговар дуранг қайд этилди. Дастлаб қатарликлар биринчи бўлимда иккита гол урган ҳолда олдинга ўтиб олганди, бунга сурияликлар танаффусга қадар битта гол билан жавоб қайтарди. Ҳакам томонидан қўшиб берилган вақт якунланаётан бир вақтда Сурия мағлубиятдан қутилиб қолди.Гуруҳнинг иккинчи ўйинида Япония олимпия терма жамоаси Саудия Арабистони билан баҳс юритди. Дастлаб 48-дақиқада саудияликлар Айман ал-Хулайфнинг голидан кейин олдинга ўтиб олди. 56-дақиқада Рётаро Мешино ҳисобни тенглаштирди. 88-дақиқада Абдулраҳмон Ғариб пенальтини голга айлантирган ҳолда арабларга ғалабани тақдим этди.
U23 ОЧ—2020
1-тур баҳслари
9 январь, пайшанба
B гуруҳи
Қатар — Сурия 2:2
Голлар: 1:0 — 1 Юсуф Абдуризоқ, 2:0 — 22, автогол Юсуф Муҳаммад, 2:1 — 31 Раҳмон Барокат, 2:2 — 90+4 Аҳмад ЁсинЯпония — Саудия Арабистони 1:2
Голлар: 0:1 — 48 Айман ал-Хулайф, 1:1 — 56 Рётаро Мешино, 1:2 — 88, пенальти Абдулраҳмон ҒарибC гуруҳи
Изоҳ (0)