Ўзбекистон олимпия терма жамоаси У23 Осиё Чемпионатининг 1-турида Эрон билан 1:1 ҳисобида дуранг ўйнади. Учрашувдан сўнг Ўзбекистон устози Любинко Друлович матбуот анжуманида қатнашди.
Ўйин ҳақида
«Рақиб жисмоний томондан кучли экан. Лекин биз яхши ўйин ўтказдик. Ғалабага яқинроқ эдик. Имкониятлардан фойдалана олмадик. Кейинги учрашувларда очколар ўрнини тўлдирамиз».
Қодирқулов ва Алижоновнинг ўйини борасида
«Тўғри, Қодирқулов ва Алижонов оғир мавсум ўтказди. Балки бугун озгина ўйинга кириша олмаган бўлсада, кейинги учрашувларда улар ўз даражасини кўрсата оладилар».
Бой берилган очко борасида
«Эрон 20 дақиқа яхши ўйнади. Биз эса қолган дақиқаларда ташаббус билан ўйнадик. Голда оддий хатога йўл қўйдик. Охирида эса биз бир нечта ажойиб имкониятларда гол уролмадик. Майли, биз очко йўқотдик. Аммо ишончимиз сақланиб қолди».
Кейинги ўйинлар ҳақидаОсиё чемпионатида ғалаба қозониш қийин, айниқса, кетма-кет. Биз мана шу йўлни босиб ўтмоқчимиз. Хитой билан учрашув биз учун ҳал қилувчи аҳамият касб этади. Ўйлайманки, биз уни ўз даражамизда ўтказамиз. Гуруҳ кучли, очко йўқотиш мумкин эмас. Корея — фаворит. Аммо биз буёғига фақат уч очко оламиз деган умидим бор.
Остон Ўруновнинг мусобақага келмагани ҳақида
Мен таркибда йўқ ўйинчилар ҳақида гапиришни истамасдим. Биз айни вақтда энг яхшиларини жалб қилдик. Марказда бизда кучли ўйинчилар етарли. Албатта, мен ҳам катта танлов хоҳлайман, бироқ бизда учрашувда 11+3 ўйинчи ишлатиш имкони бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)