Ўзбекистон олимпия терма жамоаси 9 январь, пайшанба куни Осиё Чемпионатининг 1-турида Эрон билан баҳс юритди.
Учрашув Эрон олимпиячиларининг устунлигида бошланди, бироқ биринчи бўлиб гол уриш ўзбекистонлик футболчиларга насиб этди. 40-дақиқада Ўзбекистон олимпия терма жамоаси пенальтига эга бўлди. Бунга Бобур Абдуҳолиқовнинг жарима майдонида тўхтатилиши сабаб бўлди. 11 метрлик жарима зарбасини Ислом Қобилов аниқ амалга оширди.
Иккинчи бўлимни қатор ҳужумлар билан бошлаган эронликларнинг уринишлари 57-дақиқага келиб ўз самарасини берди. Ризо Деҳқоний Ўзбекистон ҳимоясидаги хатодан унумли фойдаланган ҳолда ҳисобни тенглаштирди.
Ҳисоб тенглашгач ўйин темпи бироз тушди ва майдонда тенг кураш кечди. Аммо ҳисоб ўйин якунига қадар ўзгармай қолди.
Шу тариқа Любинко Друлович шогирдлари мусобақани дуранг билан бошлади. Гуруҳнинг иккинчи ўйин Жанубий Корея ва Хитой олимпия терма жамоалари ўртасида бўлиб ўтади.
У23 ОЧ—2020
1-тур баҳси
9 январь, пайшанба
Ўзбекистон — Эрон 1:1
Голлар: 1:0 — 40 Қобилов, 1:1 — 57 ДеҳқонийЎзбекистон: Абдувоҳид Неъматов, Ислом Қобилов, Ҳожиакбар Алижонов, Абдулла Абдуллаев, Азиз Ғаниев, Нурилло Тўхтасинов (Ойбек Бозоров, 66), Жасурбек Яхшибоев, Бобир Абдихолиқов, Илҳом Алижонов, Ҳусниддин Алиқулов, Санжар Қодирқулов (Ислом Кенжабоев, 85).
Эрон: Ҳабиб Фараббасий, Можтаба Нажариан, Меҳди Меҳдихани, Оллоҳёр Сайядманеш, Ризо Шекари, Ризо Деҳқоний, Муҳаммад Моҳебби (Жаъфар Салмоний, 84), Али Шожаий (Меҳли Гаедий, 46), Матин Каримзода, Омид Нурафкан, Ориф Оғаси.
Огоҳлантиришлар: Ҳожиакбар Алижонов (12), Ориф Оғаси (18).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)