Испания Суперкубоги мусобақасининг ярим финалида 8 январь, чоршанба куни «Реал» ва «Валенсия» жамоалари ўзаро баҳс юритди.
Саудия Арабистонида бўлиб ўтган учрашувда мадридликлар ишончли ғалабани қўлга киритди. Учрашувнинг 15-дақиқасида Тони Кроос «кўршапалаклар» дарвозабонининг чалғиганидан унумли фойдаланиб, бурчак зарбасидан тўрғридан-тўғри дарвозани ишғол қилди.
39-дақиқада Иско «қаймоқранглилар»нинг иккинчи голига муаллифлик қилди. Иккинчи бўлим ҳам Зинедин Зидан шогирдларининг устунлигида ўтди ва 65-дақиқага келиб ҳисоб йирик кўриниш олди. Лука Модрич Лука Йовичнинг узатмасидан кейин тўпга антиқа усулда зарба берган ҳолда дарвозани ишғол қилди.
Учрашув якунланиши арафасида «Реал» дарвозаси томон пенальти белгиланди, 11 метрлик жарима зарбасини Дани Парехо самарали якунлади.
Шу тариқа «Реал» мусобақа финалига йўл олди ва ҳал қилувчи баҳсда «Барселона» — «Атлетико» жуфтлиги ғолиби билан куч синашади.
Испания Суперкубоги
½ финал баҳси
8 январь, чоршанба
«Валенсия» — «Реал Мадрид» 1:3
Голлар: 0:1 — 15 Кроос, 0:2 — 39 Иско, 0:3 — 65 Модрич, 1:3 — 90+2, пенальти Парехо.«Валенсия» – Доменек, Гарай, Гайя, Габриэль Паулиста, Васс, Коклен (Собрино, 83), Кондогбиа (Макси Гомес, 58), Парехо, Солер, Ферран Торрес, Гамейро (Черишев, 70).
«Реал Мадрид» – Куртуа, Рамос, Карвахаль, Менди (Марсело, 71), Варан, Модрич (Хамес, 77), Иско, Каземиро, Кроос, Вальверде, Йович (Мариано Диас, 83).
Огоҳлантиришлар: Каземиро (88).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)