4 январь куни соат 00:30 ларда Сурхондарё вилояти Жарқўрғон тумани ҳудудидан ўтувчи йўлда Nexia русумли автомобиль йўлнинг ўнг томонидаги дарахтга урилиб, ЙТҲ содир этди. Бу ҳақда ИИВ ЙҲХББ ахборот хизмати хабар берди.
«Бишкек—Душанбе—Термиз» автомобиль йўлининг 1588-километрида 1997 йилда туғилган деновлик ҳайдовчи бошқарувни йўқотиб қўйган. Юзага келган ЙТҲ оқибатида ҳайдовчи М.О. тан жароҳати олиб касалхонага ётқизилган, машина ичида бўлган 48 ёшли йўловчи эса касалхонада вафот этган.
Дастлабки маълумотларга кўра йўл-транспорт ҳодисаси ҳайдовчининг белгиланган тезлик меъёрларига амал қилмаганлиги ва йўлнинг хавфли бурилиш қисмида бошқарувни йўқотиши оқибатида содир бўлган.
Изоҳ (0)