Тошкентда ис газидан заҳарланиш қайд этилди. Бу ҳақда «Дарё»га Бош прокуратура матбуот котиби Ҳаёт Шамсутдинов хабар берди.
Маълум бўлишича, 5 январь куни соат 22:10 ларда Юнусобод тумани, «Бободеҳқон» маҳалласида яшовчи 32 ёшли Н.И. ва унинг 2 ёшли фарзанди Д.Т. уйининг ювиниш хонасидан сизиб чиққан ис газидан заҳарланиб, ҳодиса жойида вафот этган.
Ҳозирда ҳолат юзасидан туман прокуратураси томонидан терговга қадар текширув ҳаракатлари ўтказилмоқда.
Изоҳ (0)