Ўзбекистонда масжидлар сони қанчага етгани маълум қилинди

Ўзбекистонда 2019 йилда 10 та янги жоме масжид очилди, деб хабар бермоқда Мусулмонлар идораси матбуот хизмати.

Қайд этилишича, шу билан масжидлар сони 2066 тага етган. Жумладан, Тошкент шаҳрида «Сузук ота», «Шайх Муҳаммад Содиқ Муҳаммад Юсуф», «Файзулла хўжа ўғли Мурод ҳожи», Сурхондарё вилоятида «Ҳаким Термизий», «Шайх Шамсиддин», «Имом Низомиддин Сангардакий», Наманганда «Муҳаммад ал-Амин», Фарғонада «Чилигижийда», Навоийда «Абу Бакр Сиддиқ» ва Тошкент вилоятида «Абу Ҳурайра» масжидлари ҳамда Бухородаги Қоровулбозор туманида «Абдуллоҳ ибн Муборак» номли янги жоме масжид иш бошлаган.

Шунингдек, республика бўйлаб 30 та жоме масжид биноси бутунлай қайтадан бунёд этилиб, 60 та масжид капитал таъмирдан чиқарилгани, масжидлар қуриш ва таъмирлаш ишлари 2020 йилда ҳам давом эттирилиши таъкидланган.