Франциянинг «Лион» клуби «Ростов» ҳужумчиси Элдор Шомуродовни ўз сафига қўшиб олишни хоҳламоқда, деб ёзади Ле матин де Парис.
Лионликлар ҳужумчиси Мемфис Депай камида ярим йилга сафдан чиқди. Шу боисдан ҳам клуб ҳужумчи излаш ишларини бошлаб юборган. «Спартак»—«Ростов» учрашувини Шомуродов ҳаракатларини «Лион» скаутлари кузатиб борган. Аммо клуб ҳужумчи учун жуда катта миқдорда маблағ сарфлаш ниятида эмас.
Аввалроқ «Штутгарт» Шомуродовни қўлга киритиш учун 10 миллион, кейин эса 15 миллион евро таклиф қилгани, шунингдек, Москванинг ЦСКА жамоаси ҳам шу миқдордаги пулни беришга тайёрлиги хабар қилинганди.
Шомуродов 2017 йилнинг ёзида 300 минг евро эвазига «Бунёдкор»дан «Ростов»га ўтганди. Ушбу мавсум футболчи «сариқ-кўклар» сафида 21 ўйин ўтказиб, ўнта гол урди ва олтита самарали узатма амалга оширишга муваффақ бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)