AQSh harbiy-dengiz kuchlari Eron generali Qosim Sulaymoniyni yo‘q qilish bilan bog‘liq operatsiyadan so‘ng Marokash bilan qirollik sohillari yaqinida hamkorlikdagi o‘quv mashg‘ulotlarini bekor qildi. Bu haqda AQSh harbiy-dengiz instituti yangiliklar portali (USNI News) ma’lum qildi, deya xabar beradi “RIA Novosti”.
Qo‘shma mashg‘ulotlarda ishtirok etishi kerak bo‘lgan kema va harbiy xizmatchilar Yaqin Sharqqa jo‘natiladi.
“Eron bilan keskinlikning kuchayishi fonida AQSh HDK Marokash bilan mashg‘ulotlarni bekor qiladi. USS Bataan desant kemasi va AQSh dengiz piyodalari 26-ekspeditsion batalyoni Yaqin Sharqqa jo‘natiladi”, — deyiladi xabarda.
Ma’lumot uchun, CNN telekanali Pentagon vakiliga tayanib, AQSh Sulaymoniy o‘ldirilganidan so‘ng Yaqin Sharqqa qo‘shimcha 3 ming nafar harbiy xizmatchini yuborishini bildirgandi.
Izoh (0)