Беҳзод Ҳошимов: АҚШдаги ҳар курс дарсим учун 6 минг доллардан тўлашади

Беҳзод Ҳошимов қачондир Ўзбекистонга қайтади ва ҳозир АҚШда пулни деб юргани йўқ. Бу ҳақда у Лазизбек Ҳамидовнинг «Улар» дастурига берган интервьюсида айтиб ўтди.

Америкадаги ойлик даромадим — университет ойлик тўлайди. Университет суғуртамни ҳам тўлайди ва бошқа харажатларимни ҳам қоплайди. Агар Американинг ихтиёрий нормал штатида докторант бўлсангиз, албатта ойлик маош оласиз. Шу ойлик ҳисобидан қайсидир домлага тадқиқот ассистенти бўлиб ишлайсиз, ёки баъзи ҳолатларда дарс берасиз.

Масалан, кузги семестрда мен тадқиқотчи эдим, баҳордан бошлаб дарс бера бошлайман. Яъни, ўша жойнинг ишчиси ҳисобланаман. Университет берадиган пул менинг ойлик харажатларимни қоплайди. Жуда кўп пул қолмайди-ю, лекин қоплайди. Тўланадиган пул Америка учун кам. Америкада сотиб олган уйим йўқ, ижарага оламан, қиммат-ку.

Лекин шу яхши фикр. Мен сал ёшлик қилиб қўйганман, бошқа университетда ўқиган бир танишим эса докторантурага кирганида ипотека олди. Ўқишни етти йилда битирди. Ўқишни битира туриб, ипотекага олган уйининг кўп қисмини тўлаб қўйган. Ипотека олсангиз, уй сизники бўлади — соцангиз, фарқи чиқариб ташланади.

Мен, масалан, ижарага ҳар ой пул тўлаяпман, лекин бу пул сақланиб қолмайди. Балки, тўғри айтаётгандирсиз, биринчи курс вақтимда олганимдами эди, балки ҳозир Америкадаги уйимнинг 20 фоизини тўлаб қўйган бўлардим. Балки шу тўғрироқ қарордир. Лекин мен ўшанда магистратурадан сўнг ўша ерда докторантурага ҳам қолишимни билмагандим, умуман бунга қизиқмагандим.

Қачондир Ўзбекистонга тўлиқ қайтиб келиш истаги ҳам бор. Ҳозир АҚШдаги ҳолатим мени қониқтиради, лекин пулни деб эмас. АҚШнинг ўзида магистратурани битирган кўп курсдошларим нормал пул олишади — йилига 150—180 минг доллар маош олишади. Докторантурада ўқишнинг маъноси — соҳага қизиқишингиздан. Пулни деб докторант бўлманг, деган бўлардим.

Чунки докторантурага кирадиган даражада бўлсангиз, яхшироқ иш ҳам топа оласиз, ишда эса маош яхшироқ бўлади ва ҳоказо. Балки профессор бўлсангиз, маошингиз яхшироқ бўлса керак.

Беҳзод Ҳошимов, иқтисодиётчи

https://twitter.com/bkhoshim/status/1213119881006071808