Шошилинч тиббий ёрдам шифохоналари ва «тез ёрдам» хизмати Янги йил байрами кунлари — 31 декабрь, 1—2 январда одатдаги тартибда бир маромда узлуксиз ишлайди, дея хабар бермоқда Соғлиқни сақлаш вазирлиги Жамоатчилик билан алоқалар бўлими.
Вазирликдан маълум қилишларича, бугунги кунда мазкур тизим орқали кунига 10 мингдан кўпроқ чақириқларга «тез ёрдам» орқали тиббий хизмат кўрсатилади. 2,5 мингдан зиёд беморлар шошилинч тиббий ёрдам муассасаларига госпитализация қилинади.Бундан ташқари, тез ёрдам бригадалари дислокацияси қайта кўриб чиқилиб, аҳоли яшаш пунктларига яқинлаштирилди. Бунинг натижасида тез ёрдам бригадаларининг хизмат кўрсатиш радиуси 15—20 километрдан 8—12 километргача қисқарди.
«Энди Ўзбекистонда ҳар 13 минг аҳолига битта махсус тез ёрдам машинаси хизмат кўрсатмоқда. Ушбу замонавий имконият аҳолига тиббий хизматни яқинлаштириш ва тез ёрдам хизмати сифатини яхшилашда самарасини бермоқда», — дейилади вазирлик хабарида.
Изоҳ (0)