Toshkent viloyatida 18 yoshli yigit pirotexnika portlashi oqibatida jiddiy jarohat oldi, u Toshkent shahriga olib kelindi va qo‘li jarrohlik amaliyotidan o‘tkazildi. Bu haqda Sog‘liqni saqlash vazirligi xabar berdi.
Ma’lum qilinishicha, Toshkent viloyati O‘rta Chirchiq tumani “Qumovul” QFYda yashovchi, 2002-yilda tug‘ilgan S.A. o‘z uyida pirotexnika vositasi qo‘lida portlashi oqibatida jiddiy jarohat olgan.
Shundan so‘ng u zudlik bilan tuman tibbiyot birlashmasiga olib kelinib, birinchi tibbiy yordam ko‘rsatilgan. Ammo olgan jarohatining jiddiyligini hisobga olib, yigit tezkor ravishda Respublika shoshilinch tibbiy yordam ilmiy markazi viloyat filialining jonlantirish bo‘limiga yetkazilgan. Unga chap qo‘l panja sohasida katta hajmli ezilib, yirtilgan jarohati, to‘rtinchi va beshinchi barmoqlar jarohati va tirnoq falangasining travmatik uzilishi tashxisi qo‘yilgan. Jarrohlik amaliyoti muvaffaqiyatli o‘tkazilgan. Ayni paytda davolash muolajalari davom etmoqda.
Vazirlik tomonidan ma’lumot berilishicha, pirotexnik vositalari ta’sirida kuyish jarohati yuzaga kelgan holatlarda kuygan sohalarni sovuq suv bilan yuvish hamda kuygan sohalarga o‘zi bilmagan holda turli xil dori vositalarini ishlatmaslik zarur. Birinchi navbatda aseptik bog‘lam qo‘yib, tez tibbiy yordam xizmati yoki shifoxonalarning kuyganlar bo‘limiga murojaat qilinishi lozim.
Mavzuga doir:
Surxondaryoda qariyb 27 ming dona pirotexnika vositalari musodara qilindi
Jizzaxda bojxonachilar tomonidan 20 ming dona pirotexnika vositalari to‘xtatib qolindi
Ohangarondagi “Chinor” maskanida katta miqdordagi pirotexnika vositalari to‘xtatib qolindi
Samarqandda IIB xodimlari tomonidan 25 mln so‘mlik pirotexnika vositalari to‘xtatib qolindi
Izoh (0)