Вазирлар Маҳкамасининг «Ўзбекистон Республикаси бюджет тизими бюджетларининг чет эл валютасидаги маблағларининг ғазна ижроси тартиби тўғрисида»ги қарори жамоатчилик муҳокамаси учун эълон қилинди.
Қарор лойиҳасига кўра:
- бюджет ташкилотларининг, бюджет маблағлари олувчиларнинг ҳамда давлат мақсадли жамғармаларининг чет эл валютасидаги операциялари ижроси Ўзбекистон Республикаси Молия вазирлиги Ғазначилиги томонидан ғазна ижроси йўли билан амалга оширилади;
- Ўзбекистон Республикаси Молия вазирлиги Ғазначилиги томонидан бюджет ташкилотлари, бюджет маблағлари олувчилар ҳамда давлат мақсадли жамғармалари учун чет эл валютасида шахсий ғазна ҳисобварақлари очилади;
- бюджет ташкилотлари ва давлат мақсадли жамғармалари томонидан тижорат банкларида чет эл валютасидаги банк ҳисоб рақамларини очилиши тақиқланади.
- Ўзбекистон Республикаси бюджет тизими бюджетларининг чет эл валютасидаги маблағларининг ғазна ижроси тартиби тўғрисидаги низомда айтилишича, ҳар бир чет эл валютаси бўйича алоҳида ягона ғазна ҳисобварағи (ЯҒҲ)лар очилади.
- Бюджет тизими бюджетларининг чет эл валютасидаги маблағларига Ғазначилик томонидан ЯҒҲдан фойдаланган ҳолда хизмат кўрсатиш чет эл валютасидаги маблағларини кирим қилиш, тўловларни амалга ошириш, ҳисобини юритиш (валюта операциялар) орқали амалга оширилади.
- Ўзбекистон Республикаси Молия вазирлиги ва Ўзбекистон Республикаси Марказий банки ахборот тизимлари ўртасида электрон рақамли имзо қўлланилган ҳолда ахборот алмашинилади.
- Қонун ҳужжатларига мувофиқ Ўзбекистон Республикаси Давлат бюджетига ўтказилиши лозим бўлган чет эл валютасида тўланадиган тўловларни қабул қилиш учун белгиланган тартибда тушумлар бўйича чет эл валютасидаги шахсий ғазна ҳисобварақларини (ШҒҲ) очиш ва ёпиш Ғазначилик томонидан амалга оширилади.
- Буюртмачиларнинг чет эл валютасидаги тушумлари (маблағлари) ЯҒҲга кирим қилинади ҳамда уларнинг ШҒҲларида акс эттирилади.
- Буюртмачиларнинг харажатлари (тўловлари) ШҒҲлари қолдиқлари доирасида ЯҒҲдан Ғазначилик ва унинг ҳудудий бошқармалари томонидан ахборот тизимида амалга оширилади.
- Молия вазирлигининг чет эл валютасидаги операцияларининг ҳисоби валюта турлари бўйича Ғазначилик томонидан очиладиган алоҳида ШҒҲларида юритилади.
- Молия вазирлигининг чет эл валютасидаги операциялари Ғазначилик томонидан амалга оширилади.
- Молия вазирлигининг чет эл валютаси ёки миллий валютасидаги маблағларини миллий валютага ёки чет эл валютасига конвертация қилиш ҳамда тўловларни амалга ошириш Ғазначилик томонидан Марказий банкка тақдим этиладиган буюртма ва тўлов топшириқномалар асосида амалга оширилади.
- Ўзбекистон Республикаси Ҳукумати кафолати остида халқаро молиявий институтлар ҳамда чет эл ҳукуматлар молия ташкилотларининг қарз ва кредит маблағларини жалб қилган ташкилотлар қарз маблағларни қайтариш жадвали асосида маблағларни Ғазначиликнинг тегишли ЯҒҲига ўтказиб беради.
- Ўзбекистон Республикасининг давлат кафолатлари бажарилишини таъминлаш мақсадида жалб қилинган халқаро молиявий институтлар ва хорижий ҳукумат молия ташкилотлари қарзлари ва кредитларининг қайтарилиши бўйича тўловлар Ғазначилик томонидан чет эл валютасидаги ЯҒҲдаги маблағлари ҳисобидан амалга оширилади.
- Молия вазирлигининг ШҒҲлардаги бўш турган маблағлардан самарали фойдаланиш мақсадида чет эл валюта маблағлари Ғазначилик томонидан Марказий банкка депозитга жойлаштирилиши мумкин.
- Марказий банк томонидан депозитга қабул қилинган Молия вазирлигининг чет эл валютасидаги маблағлари ва уларнинг қолдиқлари бўйича тўлиқ маълумот вазирликнинг ёзма мурожаатига асосан тақдим этилади.
- Ўзбекистон Республикаси Президенти ва Вазирлар Маҳкамасининг қарорларига мувофиқ мақсадли ссудалар беришга;
- тижорат банкларига чет эл валютасидаги кредит линияларини тижорат банклари орқали ажратилишига;
- Ўзбекистон Республикаси Ҳукумати кафолати остида халқаро молиявий институтлар ҳамда чет эл ҳукуматлар молия ташкилотларининг қарзларини қоплашга ажратилади.
- буюртмачиларга ШҒҲлар очиш мувофиқ шаклдаги аризага;
- буюртмачиларнинг ШҒҲларни ёпиш мувофиқ шаклдаги аризага асосан амалга оширилади.
- ШҒҲлардан тўловларни амалга ошириш учун буюртмачи Ғазначилик ёки унинг тегишли ҳудудий бошқармаларига белгиланган тартибда тасдиқланган шакл бўйича имзолар намуналари ва муҳр изи карточкасини тақдим этади.
- Буюртмачи чет эл валютаcини сотиб олиш учун мувофиқ шаклда, чет эл валютасини сотиш учун мувофиқ шаклда Ғазначилик ва унинг ҳудудий бошқармаларига буюртма тақдим этади.
- Буюртмачи томонидан тақдим этилган буюртма Ғазначилик ёки унинг ҳудудий бошқармалари томонидан текширилади ҳамда хатоликлар аниқланмаганда, электрон шаклдаги буюртманома Ғазначилик томонидан шакллантирилади.
- Бунда Ғазначилик чет эл валютасини харид қилиш учун буюртманомани электрон рақамли имзодан фойдаланган ҳолда бир банк иш кунида Марказий банк томонидан тасдиқланган шакл бўйича эксперт гуруҳи томонидан кўриб чиқилганидан сўнг, Марказий банкка юборади.
- Ғазначилик томонидан юборилган буюртманома Марказий банк учун банклараро савдо сессиясида чет эл валютасини харид қилиш учун асос бўлиб ҳисобланади.
- Буюртмалар ижро қилинганидан сўнг Ғазначилик ва унинг ҳудудий бошқармалари унинг бир нусхасини ШҒҲидан мувофиқ шакл бўйича кўчирма билан бирга буюртмачига тақдим этади.
- Ғазначилик Марказий банк томонидан қайтарилган буюртмаларда хатоликлар аниқланган ҳолларда хатоликлар аниқланган кундан кейинги банк иш кунидан кечиктирмасдан, электрон шаклда юборилган ҳолларда эса шу куннинг ўзида камчиликларни асослантирган ҳолда тўғрилаш учун мазкур буюртмани унга илова қилинган кўчирма нусхаси билан бирга буюртмачига қайтаради.
- Ғазначилик томонидан тақдим қилинган чет эл валютасини сотиб олиш ва сотиш бўйича буюртманомалар Марказий банк эксперт гуруҳи томонидан кўриб чиқилмайди.
- Ғазначиликда чет эл валютасини харид қилиш буюртманомаларини кўриб чиқиш учун эксперт гуруҳи тузилади. Ушбу эксперт гуруҳнинг таркиби ва ишлаш регламенти Молия вазирлиги томонидан белгиланади.
- Ғазначилик томонидан Молия вазирлигининг чет эл валютасидаги операцияларини амалга оширишда чет эл валютаcини сотиб олиш ва сотиш учун электрон шаклдаги буюртманомани шакллантириб электрон рақамли имзодан фойдаланган ҳолда Марказий банкка юборади.
- Махсус валюта ҳисобварақларига қўшиб қўйилган маблағлар қатъиян мақсадли равишда тузилган шартномаларга мувофиқ сарфланади.
Изоҳ (0)