«Ювентус» клуби ҳужумчиси Криштиану Роналду футболчилик фаолиятини якунлаганидан кейин нима билан шуғулланмоқчи эканини маълум қилди.
«Футболни якунлагандан кейин ўқишни қайта тиклашни истардим. Афсуски ҳаётимда дуч келадиган баъзи саволларга жавоб топа олмайман, шу сабаб эътиборимни ўқишга қаратмоқчиман.
Ҳайрон қолдирадиган яна бир ният бор — мен ўзимни кинода актёр сифатида синаб кўришни истардим», — дея Роналду сўзларини келтирмоқда Football Italia.
Роналдунинг «Ювентус» билан амалдаги шартномаси 2022 йилга қадар мўлжалланган. Португалиялик футболчи ушбу келишув муддати якунланган вақтда 37 ёшда бўлади.
Ушбу мавсум Роналду Италия А Сериясида 14 та ўйинда иштирок этиб, ўн гол ва битта самарали узатмага муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)