Қашқадарё вилоятида 102 ёшли онахон ва 105 ёшли отахонга фуқаролик паспорти топширилди. Бу ҳақда «Дарё»га Шаҳрисабз шаҳар ҳокимлиги ахборот хизмати маълум қилмоқда.
Шаҳрисабз шаҳар ИИБ бошлиғи Шуҳрат Чориевнинг айтишича, 105 ёшида биометрик паспорт олаётган отахон шаҳарнинг «Яшил диёр» маҳалла фуқаролар йиғини Гулсарой кўчасида истиқомат қилади.
— Биометрик паспорт олиш муддати тугаб бораётганлиги сабаб ходимларимиз дам олиш кунлари ҳам ишлаяпти, — дейди Шуҳрат Чориев. – Мақсадимиз Янги йилга қадар барчани биометрик паспорт билан таъминлаш.
Деҳқонобод туман Миграция ва фуқароликни расмийлаштириш бўлими бошлиғи Ваҳоб Абдиназаровнинг «Дарё»га қўшимча қилишича, Деҳқонободда ҳам 102 ёшни қарши олган «Иккинчи жаҳон урушидаги ғалабанинг 70 йиллиги» юбилей медали совриндори бўлган онахон — Ойнабод момо Ҳотамова ҳам биометрик паспорт олган.
Эслатиб ўтамиз, амалдаги фуқаролик паспортининг амал қилиш муддати 2019 йил 31 декабргача этиб белгиланган.
Изоҳ (0)