Жорий йил 28 декабрь куни Ўзбекистоннинг Малайзиядаги элчихонаси консуллик бўлимига мамлакат фуқароси С.Н.нинг бевақт вафот этгани тўғрисида маълумот келиб тушди. Бу ҳақда ТИВ матбуот хизмати хабар бермоқда.
У юрак хуружи туфайли Серданг касалхонасига ётқизилган эди.
Элчихона вазиятни назоратга олган ва жасадни ватанига юбориш учун барча зарурий консуллик-ҳуқуқий ва ташкилий чораларни кўрмоқда.
«Консуллик-ҳуқуқий департаменти марҳумнинг оила аъзолари ва яқинларига таъзия изҳор этади. Малайзия ва Бруней ҳудудида бўлиб турган Ўзбекистон фуқаролари зарур ҳолларда мамлакатимизнинг Куала-Лумпур шаҳридаги элчихонасига +603-4253-4406 телефон рақами орқали мурожаат қилишлари мумкинлигини эслатади», — дейилади хабарда.
Изоҳ (0)