Гвардиола жамоаси «бўрилар»га иккинчи марта таслим бўлди. Бунгача фақат «Челси» бу ишни уддалай олган

«Манчестер Сити» клуби футбол бўйича Англия чемпионатининг 19-турида «Вулверҳэмптон»га ютқазиб қўйди (2:3).

Хосеп Гвардиола бошчилигидаги жамоа Премьер Лига ушбу мавсуми доирасида кетма-кет иккинчи бор «бўрилар»га мағлуб бўлди. «Манчестер Сити» 6 октябрь куни ўз майдонида «Вулверҳэмптон»га имкониятни бой берганди (0:2).

Гвардиола мураббийлик фаолияти мобайнида иккинчи марта мавсум давомида бир жамоага икки марта ютқазиб қўйди. Биринчи марта 2016/17 йилги мавсумда испаниялик мутахассис бошчилигидаги «Манчестер Сити» АПЛ доирасида кетма-кет Антонио Контенинг «Челси»сига мағлуб бўлганди.

Бунга қадар Гвардиола «Барселона» ва «Бавария» клубларида ҳам фаолият юритган.