Саудия Арабистони ҳукумати кўп йиллик мунозаралардан сўнг эрта никоҳ қуришни тақиқлади ва никоҳнинг қонуний ёшини камида 18 ёш этиб белгилади, деб хабар беради «РИА Новости».
Маълумотларга кўра, адлия вазири Валид ас-Самааний янги қонунни барча маҳаллий судларга юборган.
Агарда 18 ёшдан кичик бўлган ўсмир оила қуришни истаб қолса, унинг никоҳига суд махсус рухсатнома бериши керак бўлади. Улар эрта никоҳ ёшларнинг келажагига салбий таъсир кўрсатиш ёки кўрсатмаслигини таҳлил қилади.
Эслатиб ўтамиз, мамлакатда жорий йилнинг январида 15 ёшдан кичик бўлган ўсмирларнинг уйланиши тақиқланганди. Бунга қадар Саудия Арабистонида никоҳ қуриш ёши белгилаб берилмаган. Шу сабабли ёш қизчаларнинг эрта узатилиши жуда долзарб мавзу ҳисобланган.
Изоҳ (0)