Дунёнинг кўплаб давлатларида 25 декабрь куни Christmas байрами нишонланди. Кўплаб инсонлар дам олаётган бир паллада Англия Премьер Лигаси футболчилари бугундан бошлаб, кунора ўйин ўтказишга мажбур. Ҳар ҳолда Англияда шундай анъана бор. Унинг номи — Boxing Day.
Boxing Day — инглизлар аслида 26 декабрь кунини «Совғалар куни» сифатида нишонлайди. Бу куни одамлар бир-бирига совға улашади. Box — ўзбек тилига «қути» дея таржима қилинишидан кўпчиликнинг хабари бўлса керак. Аслида ушбу байрамнинг келиб чиқиши ҳам қутилар билан боғлиқ. XVIII асрда инглиз зодагонлари Christmas байрамининг эртасига ўз хизматкорларига қутиларда совғалар улашган. Сўнгра бу йиллар давомида анъанага айланди. Бунинг футболга нима алоқаси бор дерсиз? Гап шундаки, инглиз футболидаги Boxing Day аслида қутиларда совға улашадиган кун эмас, бу тўғри. Аммо 10 кун ичида жамоаларнинг 3-4 та ўйин ўтказиши орқали мухлислар олам-олам совға олиши бор гап. АПЛ 26 декабрь куни ўйин ўтказадиган дунёдаги ягона лига. Бу орқали барча жамоалар мухлисларга рамзий маънода совға ҳозирлагандек бўлади.
Boxing Day’да жамоаларнинг мусобақа жадвалидаги ўрни ва айни дамдаги ҳолати ўта муҳим аҳамият касб этмайди: хоҳ «Астон Вилла», «Саутҳэмптон», хоҳ «Вест Ҳэм», «Брайтон» бўлсин, барчасининг стадиони мухлислар билан тўлиб тошади.
Тарихдаги илк Boxing Day учрашуви 1860 йил 26 декабрида ўтказилган. Унда ташкил этилганида кўп бўлмаган «Ҳаллам» ҳамда «Шеффилд» клублари ўзаро беллашади. Унда «Шеффилд» рақибини 2:0 ҳисобида таслим этган. Орадан деярли юз йил ўтиб, 1957 йилдан эътиборан, 26 декабрда ўйин ўтказиш Англиянинг барча дивизионларида анаъанага айланган.
Қизиқарли фактлар:
- Boxing Day баҳсларида сўнгги ўринни эгаллаган жамоалар охирги 20 йилда қуйи дивизион — Чемпионшипга тушиб кетган;
- Кўп ҳолатларда Чристмас байрамига қадар мусобақа жадвалида пешқадам бўлган клублар якунда АПЛ чемпионлигини қўлга киритган;
- Boxing Day’да қайд этилган энг сермаҳсул ўйинлар 1963 йил 26 декабрига тўғри келади. Ўшанда 10 та ўйинда 6 та гол урилган;
- Ўшанда мухлислар 3 та покер, 3 та ҳет-трик, 8 та дубль ва 4 та қизил карточка гувоҳи бўлган;
- 1963 йил Boxing Day’даги битта ўйинга голларнинг ўртача тўғри келиши 6,6 тани ташкил этган.
АПЛ19-тур баҳслари26 декабрь, пайшанба
- «Тоттенҳэм»—«Брайтон» 17:30
- «Борнмут»—«Арсенал» 20:00
- «Астон Вилла»—«Норвич» 20:00
- «Челси»—«Саутҳэмптон» 20:00
- «Кристал Пэлас»—«Вест Ҳэм» 20:00
- «Эвертон»—«Бёрнли» 20:00
- «Шеффилд Юнайтед»—«Уотфорд» 20:00
- «Манчестер Юнайтед»—«Ньюкасл» 22:30
- «Лестер»—«Ливерпуль» 01:00
- «Вулверҳэмптон»—«Манчестер Сити» 00:45
Асрор Абдуназаров тайёрлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)