Twitter асосчиси Facebook асосчисига обунани намойишкорона бекор қилди

Twitter асосчиси Жек Дорси Facebook асосчиларидан бири Марк Цукерберг аккаунтига обунани ҳаммага обуначилари кўрадиган қилиб бекор қилди, деб ёзмоқда «Gazeta.ru».

Ундан бунинг сабаби сўралганда Twitter матбуот хизмати ўтган йили икки IT етакчилари ўртасида келишмовчиликка сабаб бўлган ҳайвон — эчки эможисини юборган.

Қайд этилишича, ўтган йили эчки ҳақиқатдан ҳам уларнинг ўрталарига совуқчилик тушишига сабаб бўлган. Шу йилнинг январь ойида Twitter асосчиси интервью бериб, унда Facebook раҳбари билан энг эсда қоларли учрашуви ҳақида гапириб берган. Унинг айтишича, Цукерберг ўз қўллари билаб эчкини ўлдирган ва ундан кечки таом тайёрланиб, дастурхонга тортилган.

Гап шундаки, 2011 йилда Марк Цукерберг уюштирган челленж доирасида фақат ўз қўли билан ўлдирган ҳайвонлар гўштини ейишни бошлаган. Ўзининг бундай тутган йўлини истеъмол қиладиган гўштга нисбатан миннатдорчилик ҳиссини сезиши учун қилиши билан изоҳлаган.

«Бу йили фақат ўзим ўлдирган ҳайвоннинг гўштини истеъмол қилишга қарор қилганимдан бери деярли вегетарианга айландим», — деган у.

Бироқ, Дорси унинг бундай иштиёқини ижобий баҳоламади. Унинг айтишича, Цукерберг эчкини лазерли тўппонча билан ўлдирган, сўнг уни қассобга берган. Тушликка ўлдирилган эчкидан тайёрланган гўшт қўйилган, лекин у негадир совуқ бўлган. Twitter асосчиси шу куни фақат салат еганини эслаган.

Бироқ, хабарда айтилишича, Жек ўлдирилган эчки учун шунча йилдан буён гина сақлаётгани эҳтимоли юқори эмас.

Дорсининг Цукербергга обунани бекор қилиш қарори мафкуравий қарашга эга бўлиши мумкин. Улар сўнгги пайтларда муҳим ижтимоий масалаларда очиқчасига қарама-қарши позицияни эгалламоқда.

Октябрь ойида Дорси Twitter барча сиёсий рекламаларни тақиқлашини эълон қилган. Facebook’да эса аксинча, улар бунга аралашмасликлари, сиёсий мазмундаги матнларни намойиш этишда давом этишлари ва ҳатто уларни текшириб ўтирмасликлари айтилган. Цукерберг бу ёндашувни сўз эркинлигини ривожлантириш истаги билан изоҳлаган.

Шунингдек, шу ойда Дорси Цукербергни танқид қилди ва Twitter ҳеч қачон унинг Libra криптовалютасини қўллаб-қувватламаслигини айтган.