Тожикистон ва Қирғизистон чегарада юз берган жанжал оқибатида беш киши жароҳат олди. Бу ҳақда «РИА Новости» хабар берди.
Маълум бўлишича, Қирғизистон ва Тожикистон чегараси яқинидаги қишлоқда 200 киши иштирокида жанжал юз берган. Чегарадош қишлоқлар аҳолиси бир-бирларини тошбўрон қилган.
Қирғизистон томони низо оқибатида олти киши жароҳатлангани ҳақида хабар берган. Маълум қилинишича, низога тожикистонликлар томонидан Қирғизистон фуқаросининг калтакланиши сабаб бўлган.
Тожикистоннинг Исфара шаҳри маъмурияти томонидан маълум қилинишича, Боткен туманининг Кўктош қишлоғи аҳолиси Сомониён қишлоғида яшовчи беш фуқарони калтаклаган. Сомониён қишлоғи аҳолиси кўктошликларни тўхтатиш учун чиққан, натижада икки томон бир-бирини тошбўрон қилган. Қирғизистон чегарачилари ўқ узганидан сўнг тожикистонлик чегарачилар жавоб қайтарган.
Қайд этилишича, ҳозирда вазият барқарорлашган. Жабрланган беш нафар тожикистонлик касалхонага ётқизилган.
Изоҳ (0)