Шавкат Мирзиёевнинг Японияга ташрифи учинчи куни парламент қуйи палатасидаги учрашувдан бошланди. Бу ҳақда Президент матбуот хизмати хабар берди.
Давлат раҳбари вакиллар палатаси раиси Тадамори Осима билан Ўзбекистон—Япония парламентлараро муносабатларини янада ривожлантириш масалаларини муҳокама қилди.
Япония парламентининг Ўзбекистон билан дўстлик лигаси фаол ишлаётгани катта мамнуният билан қайд этилди.
Кунчиқар мамлакатнинг парламентаризм соҳасидаги тажрибасини ўрганиш бўйича қўшма тадбирлар ўтказиш ва ўзаро алмашинувларни кенгайтиришга келишиб олинди.
Учрашув сўнгида Президент спикерга мамлакатда илк бор ўзбек тилига таржима қилинган ва чоп этилган Япония Конституциясининг биринчи нусхасини совға қилди.
Шавкат Мирзиёев Вакиллар палатаси мажлислари ўтадиган асосий зал билан ҳам танишди.
Изоҳ (0)