Жиззах вилояти Ғаллаорол тумани «Бахт» маҳалласида учта Nexia русумли машинанинг эшиклари қулфи бузилиб, автомашиналарда бўлган пул ва бир қанча буюмлар ўғирлаб кетилди. Бу ҳақда «Postda.uz» хабар берди.
Маълум қилинишича, автомобилларнинг биридан 250 минг сўм пул, бошқасидан дори қутиси, ўт ўчириш воситаси, хавфдан огоҳлантирувчи белги, 200 минг сўмлик эҳтиёт қисм ва 150 минг сўм пул олинган. Учинчи автомашинадан эса «Антирадар» қурилмаси ва видеоёзувларни қайд этиш мосламаси ғойиб бўлган.
Ички ишлар органлари ходимлари жиноятни тезкорлик билан очишга муваффақ бўлди. Маълум бўлишича, ўғриликни Фориш туманида истиқомат қилувчи 1996 йилда туғилган А.Т. ва 1980 йилда туғилган И.Р. содир этган.
Ҳолат юзасидан Жиноят кодексининг тегишли банди билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Изоҳ (0)