Тошкент шаҳри Олмазор туманида яшовчи фуқаро Ш.А. ойига бир миллион сўм пул беришни ваъда қилган таниши А. дан GSM-шлюз қурилмаси, Wi-Fi роутери ва 2 дона Интернет узатувчи свитч аппаратларини олган ва уйида сандиқда сақлаб ишлатган. Бу ҳақда «Севимли» телеканалининг «Замон» информацион дастури хабар берди.
Фуқаро ушбу ноқонуний ҳаракати Давлат хавфсизлик ходимлари ва соҳа мутахассислари томонидан фош этилгач, телекоммуникация тармоқларини қонунга хилоф равишда айланиб ўтиб, жиноят содир этгани учун суд қилинди. Олмазор туманида бўлиб ўтган суд мажлисида прокуратура, Ички ишлар бўлими ходимлари, гувоҳлар ҳамда ахборот технологиялар ва телекоммуникациялар соҳаси мутахассислари иштирок этган.
Фуқаронинг айбига иқрорлиги, қарамоғида руҳий касалманд онаси, синглиси, ишсиз бўлган турмуш ўртоғи ҳамда икки нафар вояга етмаган фарзанди борлиги инобатга олиниб Ш.А. га нисбатан Жиноят Кодексининг 278-моддаси 7-қисмига кўра уч йил муддатга озодликни чеклаш жазоси тайинланди.
Изоҳ (0)