Жорий йил 14 декабрь куни республиканинг барча ҳудудларида бир вақтнинг ўзида кенг жамоатчилик учун оммавий тадбирлар ўтказиш режалаштирилмоқда. Бу ҳақда «Юксалиш» умуммиллий ҳаракати матбуот хизмати маълум қилди.
Унда таниқли инсонлар билан учрашувлар ташкил этилиб, сайловга тайёргарлик жараёнлари, қонунчиликдаги ўзгаришлар ҳақида ахборотлар берилади, мусиқий дастурлар ва турли викториналар ўтказилади.
Сайловлар ҳақида барча маълумотлар содда ва тушунарли тилда аҳолига етказилади. Тадбир жараёнлари ОАВ ва блогерлар томонидан тўғридан-тўғри ёритилиши мумкин.
«Ҳозирда акция формати ишлаб чиқилмоқда. Шу муносабат билан, барча манфаатдор вазирлик ва идоралар, бизнес вакиллари, сиёсий партиялар ва бошқа жамоат ташкилотларини ҳамкорликка чорлаймиз. Тадбирларни янада самарали ўтказиш бўйича фикр ва таклифларни ҳаракатнинг ҳудудий бўлинмалари ёки марказий офисига тақдим қилиш мумкин», — дейилади хабарда.
Изоҳ (0)