«Челси» футбол клубига ФИФА томонидан қўйилган тақиқ Спорт арбитраж суди (CAS) томонидан қайта кўриб чиқилди.
Аввалроқ ФИФА ташкилоти ёш футболчиларни трансфер қилишда бир неча бор қоидаларни чеклаб ўтган «Челси»ни жазолаганди. Унга кўра, лондонликларга икки йил мобайнида янги футболчиларни рўйхатдан ўтказиш тақиқи қўйилганди. Бунинг натижасида «кўклар» ёзги трансфер мавсумида жамоани кучайтира олмаган эди.
Суднинг қарорига кўра, ушбу тақиқ икки йилдан бир йилга қисқартирилди. Шунингдек, дастлабки белгиланган жарима миқдори ҳам икки баробарга камайган ва 273,4 минг фунтни ташкил қилган.
Шу тариқа «Челси» клуби 2020 йилнинг бошидан янги футболчиларни сотиб олиши мумкин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)