5 декабрь, пайшанба куни соат тахминан 14:51 да Самарқанд шаҳар Бўстонсарой кўчасида ҳаракатланиб кетаётган Cobalt русумли автомобилнинг мотор қисми ва салон қисми ёниб кетган. Бу ҳақда «Дарё» мухбири Фарҳод Норбўтаев хабар бермоқда.
Маълум бўлишича, 1951 йилда туғилган фуқаро А.Баҳромовга тегишли автомобилнинг мотор қисмидаги электр симларида қисқа туташув юзага келиши натижасида ёнғин содир бўлган.
Вилоят Ёнғин хавфсизлиги бошқармаси ахборот хизматининг маълум қилишича, Самарқанд шаҳар ЙХБ ходимлари ёнғин жойига соат 14:55 да етиб бориб, ёнғинни бартараф этган.
Изоҳ (0)