Шаҳрисабз туман халқ таълими бўлимида бюджет маблағларини талон-торож қилиш ҳолати аниқланди. Бу ҳақда «Дарё»га Бош прокуратура матбуот хизмати хабар берди.
Маълум бўлишича, департаментнинг Шаҳрисабз туман бўлими томонидан туман халқ таълими бўлимида бюджет маблағларининг сарфланишини ўрганиш юзасидан текширув ўтказилган.
Текширувда халқ таълими бўлимида белгиланган ставкага нисбатан иш ҳақлари нотўғри ҳисоб китоб-қилинганлиги ҳамда таъмирлаш ишлари учун бюджетдан ажратилган пул маблағларининг мақсадли сарфланиши назорат қилинмагани аниқланган. Оқибатда 640,1 миллион сўм бюджет маблағлари ўзлаштириш ва растрата қилиш йўли билан талон-торож қилинган.
Мазкур ҳолат юзасидан Шаҳрисабз туман халқ таълими бўлими мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Изоҳ (0)