Тошкент шаҳрининг Амир Темур ва Шаҳрисабз кўчалари кесишмасидаги чорраҳа ёнида жойлашган йирик бепул автотураргоҳ бугун, 4 декабрдан ёпилди. Бу ҳақда «Xabar.uz» маълум қилди.
Асосан шу атрофдаги улкан офислар – Ucell, Мobiuz, Ипотека банк, Ўзсаноатқурилишбанк, Бош почтамт ва бошқа ташкилотлар ходимларига тегишли мингга яқин автомобиль турган бу автотураргоҳ бир неча ҳафта илгари ўраб олинган эди. Энди эса у ерда «Диққат, хусусий ҳудуд. 2019 йил 4 декабрдан автомобилларнинг кириши тақиқланади» деган эълон осилган.
Бир йил аввал Вазирлар Маҳкамасининг «Тошкент шаҳрининг марказий қисмида кўп тармоқли комплекс қурилишини ташкил этиш чора-тадбирлари тўғрисида»ги қарори қабул қилинганди.
Қарор билан Туркия ва Ўзбекистон компаниялари томонидан пойтахтда «Tashkent Central Park» кўп тармоқли комплекси қурилиши маъқулланган.
Тошкентнинг қоқ марказида барпо этилиши режалаштирилган беш юлдузли меҳмонхона, савдо-кўнгилочар марказ ва тижорат банки айнан ушбу бепул автотураргоҳ ўрнида қурилади.
Изоҳ (0)