France Football нашри томонидан 21 ёшгача бўлган футболчиларга топшириладиган «Копа» соврини эгаси маълум бўлди.
Ушбу совринга ўтган мавсумни «Аякс»да ўтказган ва ёзда «Ювентус»га йўл олган Маттейс де Лигт лойиқ кўрилди.
Бу рўйхатда «Боруссия Д» ярим ҳимоячиси Жейдон Санчо иккинчи ўринни қўлга киритган бўлса, «Атлетико» ҳужумчиси Жоау Феликс кучли учликни якунлади.
Шунингдек, кучли ўнликдан Матео Гендузи («Арсенал»), Кай Ҳаверц («Байер»), Мойзе Кин («Ювентус»/«Эвертон»), Ли Кан Ин («Валенсия»), Самюэль Чуквуезе («Вильярреал»), Винисиус Жуниор («Реал») ва Андрей Лунин («Вальядолид») каби футболчилар ҳам ўрин олди.
Маълумот учун, ушбу соврин ўтган йили ПСЖ ҳужумчиси Килиан Мбаппега насиб этганди. Ушбу соврин 21 ёшгача бўлган футболчига топширилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)