“Yuventus” himoyachisi 2019-yilning eng yaxshi yosh o‘yinchisi bo‘ldi

France Football nashri tomonidan 21 yoshgacha bo‘lgan futbolchilarga topshiriladigan “Kopa” sovrini egasi ma’lum bo‘ldi.

Ushbu sovringa o‘tgan mavsumni “Ayaks”da o‘tkazgan va yozda “Yuventus”ga yo‘l olgan Matteys de Ligt loyiq ko‘rildi.

Bu ro‘yxatda “Borussiya D” yarim himoyachisi Jeydon Sancho ikkinchi o‘rinni qo‘lga kiritgan bo‘lsa, “Atletiko” hujumchisi Joau Feliks kuchli uchlikni yakunladi.

Shuningdek, kuchli o‘nlikdan Mateo Genduzi (“Arsenal”), Kay Haverts (“Bayer”), Moyze Kin (“Yuventus”/“Everton”), Li Kan In (“Valensiya”), Samuel Chukvuyeze (“Vilyarreal”), Vinisius Junior (“Real”) va Andrey Lunin (“Valyadolid”) kabi futbolchilar ham o‘rin oldi.

Ma’lumot uchun, ushbu sovrin o‘tgan yili PSJ hujumchisi Kilian Mbappega nasib etgandi. Ushbu sovrin 21 yoshgacha bo‘lgan futbolchiga topshiriladi.