Гонконгда 2 декабрь, душанба куни Осиё футбол конфедерацияси «The AFC Annual Awards 2019» маросимида 2019 йилнинг энг яхшиларини эълон қилди.
Осиёнинг 2019 йилдаги энг яхши ўйинчиси номига Қатар терма жамоаси ва «Ас Садд» клуби вакили Акром Афиф лойиқ кўрилди. Футболчи январда бўлиб ўтган Осиё Кубогида жамоасининг чемпионликка эришишига ёрдам берганди. Ундан ташқари ушбу совринга Али Ризо Бейронванд («Персеполис») ва Томоаки Макино («Урава Ред») каби футболчилар ҳам даъвогар бўлганди.
Халқаро майдонда тўп сурувчи энг яхши осиёлик футболчи соврини Жанубий Корея вакили Сон Ҳён Минга насиб этди. «Тоттенҳэм» ҳужумчиси ушбу соврин учун курашда Сардор Азмун («Зенит») ва Макото Ҳасебе («Айнтрахт») каби футболчиларни ортда қолдирди.
Энг яхши эркак мураббий номига Чун Жун Йон муносиб деб топилди. Жанубий Корея U-20 устози ёшлар ўртасидаги Жаҳон Чемпионатида жамоасини финалга қадар олиб борди. Мазкур терма жамоа етакчиси Ли Кан Ин («Валенсия») эса Осиёнинг энг яхши ёш футболчиси бўлди.
Барча совриндорлар билан танишинг:
«Осиё Олмоси» — Ал Султон Абдуллоҳ
Йилнинг энг яхши ассоциацияси
- Илҳомлантирувчи — Япония ФА
- Ривожланаётган — Гонконг ФА
- Интилувчан — Гуам ФА
- Илҳомлантирувчи — Хитой ФА
- Ривожланаётган — Сингапур ФА
- Интилувчан — Бруней ФА
Йилнинг энг яхши мураббийи (эркаклар) — Чун Жун Йон (Жанубий Корея)
Йилнинг энг яхши футзалчиси — Томоки Йошикава (Япония)
Йилнинг энг яхши футболчиси (аёллар) — Саки Кумагаи («Лион», Япония)
Халқаро майдондаги энг яхши осиёлик футболчи — Сон Ҳён Мин («Тоттенҳэм», Жанубий Корея)
Йилнинг энг яхши ёш футболчиси (аёллар) — Жун Эндо (Япония)
Йилнинг энг яхши ёш футболчиси (эркаклар) — Ли Кан Ин (Жанубий Корея)
Йилнинг энг яхши футболчиси (эркаклар) — Акром Ҳассан Афиф («Ас Садд», Қатар)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)