«Барселона» Испания Ла Лигаси 15-турида «Атлетико»ни мағлубиятга учратди (1:0).
Ғалаба тўпини учрашувнинг 86-дақиқасида Лионель Месси урди. Унга Луис Суарес самарали узатма амалга оширди.
Бу Суарес ва Месси иштирокида урилган Испания чемпионати доирасидаги 56-гол бўлди. Месси 28 марта Суареснинг узатмасидан сўнг гол урган бўлса, уругвайлик футболчи ҳам 28 бор Мессининг пасини голга айлантирган.
Бу Ла Лигада XXI асрнинг энг яхши кўрсаткичи ҳисобланади. Бу борада кейинги ўринда Криштиану Роналду ва Карим Бензема жуфтлиги турибди. Улар «Реал» сафида биргаликда 40 та гол урган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)