Германия Бундеслигаси 13-туридан ўрин олган 30 ноябрь, шанба кунги учрашувлар якунланди.
Дортмунднинг «Боруссия» жамоаси Берлинда «Ҳерта»га қарши баҳс олиб борди. Учрашувнинг 15-дақиқасида Жейдон Санчо дортмундликларни олдинга олиб чиқди. Орадан икки дақиқада ўтиб, Торган Азар меҳмонларнинг иккинчи голига муаллиф бўлди. 34-дақиқада Владимир Дарида ҳисобни қисқартишга эришди. Биринчи бўлим якунланиши арафасида «Боруссия» вакиллари камчилик қолди, Матс Хуммелс иккинчи марта сариқ карточка олиб майдонни тарк этди. Бироқ иккинчи бўлимда «арилар» ҳисобдаги устунликни сақлаб қола олди.
«Бавария» эса ўз майдонида «Байер»ни қабул қилди. 10-дақиқада Леон Бэйли леверкузенликларни олдинга олиб чиқди. 34-дақиқада Томас Мюллер ҳисобни тенглаштиришга эришди. Бироқ орадан бир дақиқа ўтиб Бэйли меҳмонларнинг иккинчи голини урди. 81-дақиқада «Байер» ҳимоячиси Жонатан Та қизил карточка олиб майдонни тарк этди, бироқ сондаги устунликдан мюнхенликлар унумли фойдалана олмади.
Шу тариқа «Падерборн»ни мағлубиятга учратган «Лейпциг» клуби мусобақа пешқадамига айланиб олди. «Бавария» (24 очко) ва «Боруссия Д» (23) жамоалари эса мос равишда 4 ҳамда 5-поғонада бормоқда.
Бундеслига
13-тур баҳслари
30 ноябрь, шанба
«Падерборн» — «Лейпциг» 2:3
Голлар: 0:1 – 3 Шик, 0:2 – 4 Забитцер, 0:3 – 26 Вернер, 1:3 – 62 Мамба, 2:3 – 73 Гьясула.«Кёльн» — «Аугсбург» 1:1
Голлар: 0:1 – 43 Нидерлехнер, 1:1 – 86 Кордоба.«Ҳерта» — «Боруссия Д» 1:2
Голлар: 0:1 – 15 Санчо, 0:2 – 17 Азар, 1:2 – 34 Дарида.«Ҳоффенҳайм» — «Фортуна» 1:1
Голлар: 1:0 – 6 Крамарич, 1:1 – 87 Хеннингс.«Бавария» — «Байер» 1:2
Голлар: 0:1 – 10 Бэйли, 1:1 – 34 Мюллер, 1:2 – 35 Бэйли.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)