Шимолий Корея ҳарбийлари ёздан бошлаб мамлакатнинг бир неча аҳоли яшаш пунктларида турли ракеталарни учиришга мўлжалланган бетон майдонлар қурмоқда, деб хабар берди «Kommersant.ru».
Қайд этилишича, ўнлаб ана шундай майдонлар қурилган. Уларнинг аниқ сони айтилмаган. Майдонлар узунлиги ва кенглиги бир неча ўн метрга етади, улардан қитъалараро баллистик ракеталарни учиришда ҳам фойдаланиш мумкин.
Майдонлар бетондан қурилмоқда. Бунинг сабаби агар ракета юмшоқ тупроқдан учирилса, бу учириш қурилмасининг бузилишига олиб келиши, шунингдек ракета учиш йўналишига тасир кўрсатиши мумкин.
Бундан ташқари, ракета учириш майдонларининг кўпайиши бошқа мамлакатлар учун ракетанинг аниқ учириладиган майдонини аниқлашни қийинлаштиради.
Изоҳ (0)