Тошкентда ноқонуний ўрнатилган ва мавжуд тартиб-қоидаларга тўғри келмайдиган контент, жумладан, наркотик моддалар тарқатилишини илгари сурувчи реклама конструксияларини аниқлаш бўйича муассасалараро ишчи гуруҳи тузилди. Бу ҳақда Ўзбекистон коммуникация агентликлари ассоциацияси (ЎКАА) маълум қилди, дея хабар беради «Gazeta.uz».
Ассоциация раҳбарига кўра, наркотиклар сайти рекламаси жойлаштирилган баннерни ўрнатган кишилар шахсини ҳатто ИИББ кучи билан ҳам дарров аниқлаб бўлмаган. Чунки бир йилдан ошиқ вақт давомида бозор ўз ҳолига ташлаб қўйилган ва назорат ўрнатилмаган.
«Бизнинг ассоциация қатор ташкилотлар билан биргаликда тегишли ҳужжатлар лойиҳаси устида ишламоқда. Тўғри, спайслар тарғиб қилиниши билан боғлиқ вазиятда бунинг олдини ололмадик, бироқ юз берган ҳолатдан барча хулоса чиқариб олди. Тошкентдаги 200—300 та эгасиз конструксиялар демонтаж қилинади», — деди ЎКАА раиси Алишер Нажмиддинов.
ЎКАА раҳбарияти эгасиз конструксияларни аниқлаш ва юзлаб экани айтилаётган ушбу билбордларни утилизация қилиш учун судларга мурожаат этиш мақсадида муассасалараро ишчи гуруҳи тузишни таклиф қилди.
Изоҳ (0)