Футбол бўйича Италия А Сериясининг 14-тури доирасида 1 декабрь, якшанба куни навбатдаги 3 та беллашув бўлиб ўтди.
Антонио Конте бошқарувидаги Миланнинг «Интер» жамоаси «Джузеппе Меацца» стадионида СПАЛни синовдан ўтказди.
Учрашувнинг 16 ҳамда 41-дақиқаларида нерадзуррилар ҳужумчиси Лаутаро Мартинес икки бор рақиб дарвозасига гол урган бўлса, 50-дақиқага келиб меҳмон жамоа ярим ҳимоячиси Маттиа Валоти ўз ҳисобига битта гол ёздириб қўйди.
Шу тариқа миланликлар ўз майдонида кечган баҳсда СПАЛни 2:1 ҳисобида мағлуб этди ва муҳим 3 очкога эга бўлди.
Мазкур ғалабадан сўнг «Интер» очколари сонини 37 тага етказиб олди ва мусобақа жадвалида етакчиликни ўз қўлига олди. СПАЛ эса 9 очко билан 19-ўринда бормоқда.
Шу куни Стефано Пиоли қўл остидаги «Милан» меҳмонда «Парма» билан баҳсга киришди.
Беллашувдаги ягона гол 88-дақиқа урилди. Унга Милан клуби ҳимоячиси Тео Эрнандес муаллифлик қилди.
Натижада «Милан» ягона гол эвазига ғалаба қозонди ва 3 очкони қўлга киритди (1:0).
Қайд этиш жоиз, «Милан» 17 очко тўплаб, мусобақа жадвалида 11-поғонани банд қилиб турибди. «Парма» эса 18 очко йиғиб 9-ўринда бормоқда.
А Серия
14-тур баҳси
1 декабрь, якшанба
«Интер»—СПАЛ 2:1
Голлар: 1:0 — 16 Мартинес, 2:0 — 41 Мартинес, 2:1 — 50 Валоти«Лацио»—«Удинезе» 3:0
Голлар: 1:0 — 9 Иммобиле, 2:0 — 36, пенальти Иммобиле, 3:0 — 45, пенальти Луис«Парма»—«Милан» 0:1
Гол: 0:1 88 ТеоЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)