Англия чемпионатининг 14-туридан ўрин олган бир қатор учрашувлар ўз ниҳоясига етди.
Фрэнк Лэмпард бошчилигидаги «Челси» жамоаси ўз майдонида «Вест Ҳэм» билан куч синашди. Учрашувнинг 48-дақиқасида Аарон Крессуэлл томонидан киритилган тўп ўйинда ягоналигини сақлаб қолди ва «Вест Ҳэм» ғалабасиз сериясига нуқта қўйди.
Мусобақа пешқадами «Ливерпуль» «Брайтон»ни қабул қилди. «Қизиллар» ҳимоячиси Виржил ван Дейк биринчи бўлимда дублга эришди. Учрашувнинг 76-дақиқасида Алиссон тўғридан-тўғри қизил карточкага лойиқ кўрилди ва узоқ вақт ўтмай меҳмонлар жавоб тўпини киритишга муваффақ бўлди. Льюис Данк жарима зарбасини усталик билан ижро этган ҳолда ҳисобни қисқартирди.
Жозе Моуриньо бошчилигидаги «Тоттенҳэм» Лондонда «Борнмут» билан тўқнаш келди. 21-дақиқада Деле Алли Сон Ҳён Миннинг узатмасидан сўнг ҳисобни очган бўлса, 50-дақиқада англиялик футболчи дублини нишонлади. 69-дақиқада Соннинг қанотдан узатган тўпини Мусса Сиссоко дарвозага жойлаб, ҳисобни йирик кўринишга олиб келди. Бунга меҳмонлар Ҳарри Уилсоннинг иккита голи билан жавоб қайтарди.
Шу тариқа «Ливерпуль» очколарини 40 тага етказиб олган ҳолда иккинчи ўриндаги «Манчестер Сити»ни 11 очкога ортда қолдирмоқда. «Тоттенҳэм» эса бешинчи ўринга кўтарилиб олди.
АПЛ
14-тур баҳслари
30 ноябрь, шанба
«Челси» — «Вест Ҳэм» 0:1
Гол: 0:1 – 48 Крессуэлл.«Ливерпуль» — «Брайтон» 2:1
Голлар: 1:0 – 18 ван Дейк, 2:0 – 24 ван Дейк, 2:1 – 79 Данк.«Бёрнли» — «Кристал Пэлас» 0:2
Голлар: 0:1 – 45 Заа, 0:2 – 78 Шлупп.«Тоттенҳэм» — «Борнмут» 3:2
Голлар: 1:0 – 21 Алли, 2:0 – 50 Алли, 3:0 – 69 Сиссоко, 3:1 – 73 Уилсон, 3:2 – 90+6 Уилсон.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)