Сенатнинг йигирма тўртинчи ялпи мажлисида иштирок этган Самарқанд вилояти ҳокими, сенатор Эркинжон Турдимов мажлисдан кейин журналистларга интервью берди, деб ёзади «Халқ сўзи Online».
Бугун янгиланаётган мамлакатимизда ОАВнинг роли жуда катта. Бунда мамлакатимизнинг барча жабҳаларида очиқлик, шаффофлик таъминланмоқда. Яқинда 22 ноябрь куни Президентимиз йиғилишларида ОАВ ҳақида тўхталиб, матбуот бу фаолиятимизни акс эттирадиган кўзгу, бу кўзгуга узоқ вақт эътиборсиз қараб келдик, деб мазкур масала бўйича алоҳида топшириқлар ва йўналишларни белгилаб бердилар.Бугун эса Сенат раиси ҳам эътиборимизни шу масалага қаратди. Тан олиб айтишимиз керак, бугунги кунда ОАВ бўйича, умуман, халқимиз, фуқароларимиз чиқишларини, реал воқелик, бўлиб ўтаётган камчиликларга кўпинча биз бефарқ қараб, эътирозларига эътибор бермасдан, айрим ҳолларда қўпол муносабатлар бўлаётгани ҳам, сир эмас. Бугун биз халқимизни тинглашни ўрганишимиз керак.
Халқимизнинг дардига қулоқ тутишимиз керак. Муҳтарам Президентимиз шу принципни давом эттирмоқда. Биз бундан ўрнак олиб, мазкур жабҳани янада ривожлантиришимиз керак. Шахсан ҳокимлар бунга ўрнак бўлиши керак. Халқ билан мулоқот ва ОАВ билан ҳамкорликни тўғри йўлга қўйиши керак.
Эркинжон Турдимов, Самарқанд вилояти ҳокими, сенатор
Изоҳ (0)