Ўзбекистон Республикаси Ташқи ишлар вазирлиги томонидан «Ўзбекистоннинг халқаро майдондаги ижобий имижини мустаҳкамлаш концепцияси тўғрисида»ги қарори лойиҳаси норматив-ҳуқуқий ҳужжатлар муҳокамаси порталига муҳокама учун қўйилди.
Лойиҳа шу йилнинг 21 ноябрь куни норматив-ҳуқуқий ҳужжатлар муҳокамаси порталига қўйилган, қарор лойиҳаси муҳокамаси 6 декабрга қадар давом этади.
Лойиҳада бир қанча фойдали таклифлар берилган.
Жумладан, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги жамоатчиликни Ўзбекистон Республикасининг халқаро майдондаги ижобий имижини илгари суриш соҳасидаги давлат сиёсатини амалга ошириш жараёни ва унинг натижалари юзасидан кенг хабардор қилади.
Ўзбекистон Республикаси Ташқи ишлар вазирлигига хорижда мамлакатнинг ижобий имижини фаол илгари суриш бўйича тизимли сиёсий-дипломатик иш олиб борилишини таъминлаш юклатилган.
Ўзбекистоннинг халқаро майдондаги ижобий имижини мустаҳкамлаш ва илгари суришнинг асосий тамойиллари сифатида қуйидагилардир кўрсатилган:
- хорижий давлатлар ва халқаро ташкилотлар, хорижий нодавлат ташкилотлари, шунингдек, оммавий ахборот воситалари билан конструктив ва очиқ мулоқот олиб боришга тайёрлик;
- холислик, тизимлилик, доимийлик ва изчиллик;
- илмий жиҳатдан асосланганлик;
- ўзаро ишонч ва ҳурмат, бир-бирининг манфаатларини ҳисобга олиш ва бошқа давлатларнинг ички ишларига аралашмаслик;
- оммавий ахборот воситаларининг эркинлиги ва мустақиллиги;
- тинчлик, инсонпарварлик, бағрикенглик, инсон ҳуқуқи ва манфаати қадриятлари ғояларига содиқлик;
- ҳукумат қарорларини қабул қилишда мамлакатнинг ижобий халқаро имижини мустаҳкамлаш сиёсатининг асосий йўналишларини ҳар томонлама инобатга олиш.
Маданий-гуманитар соҳада:
— Ўзбекистоннинг дунёдаги ижобий имижини шакллантириш ва илгари суришга қаратилган халқаро ПР-тадбирларини тизимли тарзда ишлаб чиқиш ва амалга ошириш;
— мамлакатнинг «тасвирий« қиёфасини бойитиш мақсадида минтақалар ва мамлакатнинг маданий ва тарихий меросини жаҳон алоқа каналларида оммавий равишда намойиш этиш;
— Ўзбекистонда хорижий сайёҳлар учун яратилган ҳуқуқий ва иқтисодий шароитлар тўғрисидаги маълумотларни тақдим этувчи ахборот порталларини такомиллаштириш;
— рақобатбардош, сифатли таълим тизимини шакллантириш ва аҳолининг узлуксиз таълим олиши учун имкониятлар яратиш, чет эл фуқароларини Ўзбекистон олий ўқув юртларига ва касб-ҳунар таълими муассасаларига ўқишга жалб этиш;
— Ўзбекистон олий ўқув юртларининг рейтингини ошириш, уларни дунёдаги энг яхши 1000 та университетлар рўйхатига киритиш;
Ахборот соҳасида:
— Ўзбекистоннинг ташқи сиёсий манфаатларини мунтазам равишда илгари суриш учун ахборот-коммуникация технологиялари ёрдамида миллий рақамли дипломатияни ривожлантириш ва кенг тарғибот ишларини олиб бориш, мамлакатимизнинг халқаро нуфузини ва ижобий имижини мустаҳкамлаш;
Ўзбекистоннинг халқаро майдондаги имижини илгари суришнинг асосий механизмлари қуйидагилардир:
Ижтимоий-сиёсий соҳада:
— инсон ҳуқуқи ва эркинликларини ҳимоя қилиш соҳасидаги халқаро конвенсиялар ва декларацияларга қўшилиш ва ратификация қилиш, халқаро ҳуқукий ҳужжатлар доирасида қабул қилинган мажбуриятларни бажариш, халқаро меъёрлар ва стандартларга риоя қилиш;
— Ўзбекистон номзодларини халқаро ташкилотлар органлари ва тузилмаларига, шу жумладан раҳбарлик лавозимларига кўрсатиш ва илгари суриш;
— хорижий жамоатчилик, бизнес, илмий-академик, эксперт ва медиа доиралар билан муносабат ва ҳамкорлик алоқаларини ривожлантириш;
— Ўзбекистоннинг чет элдаги «дўстлар доираси»ни кенгайтириш, жумладан, парламентдаги дўстлик гуруҳлари, Ўзбекистон Республикасининг хорижий мамлакатлар билан дўстлик жамиятлари фаолияти, Ўзбекистон шаҳарларининг хорижий шаҳарлар билан дўстона алоқаларини ривожлантириш ва республика вилоятларининг хорижий мамлакатлар ҳудудлари билан халқаро ҳамкорлик алоқалари орқали;
— чет элда яшаётган ватандошларимизни Ўзбекистоннинг халқаро нуфузини мустаҳкамлаш фаолиятига жадал равишда жалб этиш;
Иқтисодий ва экологик соҳаларда:
— ички ва ташки давлат қарзини паст даражада сақлаш;
— юқори технологияли саноат ва қишлоқ хўжалигига эга бўлган илғор мамлакатлар қаторига қўшилиш;
— мамлакатнинг «яшил иқтисодиётга» ўтишини жадаллаштириш, қайта тикланадиган ва бошқа муқобил энергия манбаларини, экологик тоза, чиқиндисиз технологиялар ва инновацион ечимларни жорий этиш;
— Ўзбекистон миллий брендини, шунингдек Республиканинг алоҳида шаҳарлари ва вилоятларини, шу жумладан «зиёрат-туризм» брендини яратиш ва фаол тарғиб қилиш;
— Ўзбекистон Республикасининг ижобий имижини тарғиб қилиш соҳасида илмий тадқиқотлар учун грантлар ажратиш;
Маданий-гуманитар соҳада:
— Ўзбекистон халқ санъати марказлари ва объектларини туристик йўналишларга киритиш;
— халқаро илмий алоқаларни фаол ривожлантириш, шу жумладан қўшма илмий тадқиқотлар ўтказиш, Ўзбекистон олимлари ва мутахассисларининг халқаро конференциялар, симпозиумларда маърузачилар сифатида иштирокини кенгайтириш;
— Ўзбекистоннинг университетлари ва илмий-тадқиқот институтлари қошида ихтисослаштирилган илмий-экспериментал лабораториялар, юқори технологиялар марказлари, технопарклар ташкил этиш;
— миллий ва хорижий ижтимоий-сиёсий, эксперт, илмий ва ишбилармон доиралар иштирокида тематик ва ихтисослашган платформалар, форумлар, илмий клублар (етакчи университетлар билан) ташкил этиш;
— «Имижелогия«, «Жамоатчиликка йўналтирилган дипломатия«, «Мамлакат бренди« каби ихтисослаштирилган дастурлар ва фанларни ишлаб чиқиш ва уларни ходимларнинг малакасини ошириш курслари ва олий таълим муассасаларининг ўқув дастурларига жорий этиш;
Ахборот соҳасида:
— дунёнинг етакчи телевидение, радио ва интернет оммавий ахборот воситалари билан ҳамкорлик ўрнатиш ва улар билан халқаро майдонда ўзбек миллий брендлари ва Ўзбекистоннинг ижобий халқаро имижини илгари сурувчи қўшма медиа-маҳсулотлар, реклама роликлари, ҳужжатли фильмлар ва бадиий фильмларни тайёрлаш масаласини ишлаб чиқиш;
— туризмни ёритувчи хорижий сайёҳлик операторлари, журналистлар ва блогерлар учун мамлакат бўйлаб мунтазам равишда реклама ва ахборот-турларини ташкил этиш;
— Ўзбекистон Республикаси Вазирлар Маҳкамаси давлатнинг имиж сиёсатини самарали амалга ошириш бўйича амалий чораларни кўради ва чет элларда мамлакатнинг ижобий имижини мустаҳкамлаш ва ривожлантириш ишларига бош бўлади.
Шунингдек, Ташқи ишлар вазирлиги, Туризмни ривожлантириш давлат қўмитаси, Президент Администрацияси ҳузуридаги Ахборот ва оммавий коммуникациялар агентлиги белгиланган вазифаларни амалга оширади.
Концепция ва Йўл харитасининг сифатли ва ўз вақтида бажарилишини мувофиқлаштириш ва назорат қилиш Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан амалга оширилади.
Изоҳ (0)