Албанияда 26 ноябрь, сешанба куни кузатилган зилзила оқибатида қурбон бўлган аҳоли вакилларининг сони 50 нафарга етди, деб ёзмоқда маҳаллий Koha нашрига асосланиб «Korrespondent.net».
«Қутқарув операциялари якунига етди. Зилзилада ҳалок бўлганларнинг яна икки нафари Дюрреси ҳудудидан топилди. Шу тариқа табиий офат оқибати қурбонларининг сони 50 нафарга етди», — дейилади хабарда.
24 нафар одамнинг жасади Дурресдан, яна 24 жасад Тумандан ва икки нафар қурбон Курбиндан топилган.
26 ноябрда рўй берган зилзила оқибатида мамлакат бош вазири Эди Рамининг бўлажак келини ҳам ҳалок бўлган. Ушбу хабарни Албания ҳукумати раҳбарининг офисидагилар расман тасдиқлаган.
Рами ўғлининг қайлиғи бўлган Кристи Речи ота-онаси ва акаси билан зилзила вақтида бинонинг қулаши оқибатида ҳалок бўлган.
Асосан Тиранадан 36 километр узоқликда жойлашган Дуррес порт-шаҳри зилзиладан кўпроқ талафот кўрган.
Изоҳ (0)