28 ноябрь, пайшанба куни АОКАда «Ички ишлар органларининг фуқароларнинг мурожаатлари билан ишлаш фаолияти тўғрисида» мавзусидаги матбуот анжумани ташкил этилди, деб хабар бермоқда ИИВ матбуот хизмати.
Тадбир давомида блогер ва журналистларнинг саволларига ИИВ Ташкилий департаменти Мурожаатлар билан ишлаш бошқармаси раҳбарияти ва масъул ходимлари томонидан батафсил жавоб берилган. Хусусан, масъул шахсларга собиқ ички ишлар органлари ходимларининг мурожаатлари асосида уларнинг неча нафарининг хизматга тикланиши таъминланиши сўралган.
Жавобда айтилишича, ички ишлар органлари сафида хизмат қилган собиқ ходимларнинг ички ишлар органлари хизматига қайта тиклаш масаласидаги мурожаатларини ўрганиш давомида уларни хизматдан бўшатилишига сабаб бўлган ҳолатлар батафсил ўрганиб борилиши амалиёти йўлга қўйилган.
«Шу билан бирга, турли сабаблар билан асоссиз жавобгарликка тортилган деб топилиб, улар бўйича оқлов ҳукмлари чиқарилган ва ҳозирги вақтда ички ишлар органлари олдига қўйилган вазифаларни бажара олиши мумкин деб ҳисобланган собиқ ходимларнинг 200 нафарга яқинининг ички ишлар органлари хизматига қабул қилиниши таъминланди», — дея жавоб берган ИИВ масъул шахслари.
Изоҳ (0)